ಸಣ್ಣ ಸಿದ್ಧಪ್ಪನನ್ನು ಸಿದ್ಧ ಬದುಕಿಸಿದ

-
 🌺 ಸಣ್ಣ ಸಿದ್ಧಪ್ಪನನ್ನು ಸಿದ್ಧ ಬದುಕಿಸಿದ🌺




ಕುಂಬಾರ ಬಾಳವ್ವ  ಎಂಬವಳು ಹಳೇಹುಬ್ಬಳ್ಳಿ, ಕೃಷ್ಣಾಪುರದಲ್ಲಿ ವಾಸಿಸುತ್ತಿದ್ದಳು. ಅವಳು ಸಿದ್ದರ ಅನನ್ಯ ಭಕ್ತಳಾಗಿದ್ದು ಮಠದ ಯಾವುದೇ ಕೆಲಸವನ್ನು ಮನಮುಟ್ಟಿ ಮಾಡುತ್ತಿದ್ದಳು. ಸಿದ್ದರ ಕರುಣೆಯಿಂದ ಅವಳಿಗೆ ಎರಡು ಗಂಡು ಮಕ್ಕಳಾದವು. ಒಬ್ಬನಿಗೆ ಸಣ್ಣ ಸಿದ್ಧ ಇನ್ನೊಬ್ಬನಿಗೆ ದೊಡ್ಡ ಸಿದ್ದ ಎಂದು ಹೆಸರಿಟ್ಟಿದ್ದಳು. ಒಂದು ದಿನ ಇಬ್ಬರೂ ಅಣ್ಣ ತಮ್ಮಂದಿರು ಅಲ್ಲಿ ಕೇರಿ ಹಬ್ಬಕ್ಕಾಗಿ ತನ್ನ ತಾಯಿಯಿಂದ ಬುತ್ತಿ ಕಟ್ಟಿಸಿಕೊಂಡು ಸಿದ್ಧರ ಮಠಕ್ಕೆ ಹೋಗಿ ಸಿದ್ಧರ ದರ್ಶನ ಪಡೆದುಕೊಂಡು ಕುಡಿಯುವ ನೀರಿನ ಕೆರೆಯ ದಂಡೆಯ ಮೇಲೆ ಕುಳಿತು ಊಟ ಮಾಡುತ್ತಿದ್ದರು. ಆಗ ನೀರಿಗಾಗಿ ಸಣ್ಣ ಸಿದ್ಧನು ಮಣ್ಣಿನ ಮಗಿ ತೆಗೆದುಕೊಂಡು ಕೆರೆಯ ದಂಡೆಯ ಮೇಲೆ ಬಂದು ನೀರು ತುಂಬಿಕೊಳ್ಳುವಾಗ ಕಾಲು ಜಾರಿ ಕೆರೆಯಲ್ಲಿ ಬಿದ್ದನು. ಅದನ್ನು ನೋಡಿದ ಒಬ್ಬ ಹೆಣ್ಣು ಮಗಳು ಹುಡುಗ ಮುಳುಗುತ್ತಿದೆ. ಯಾರಾದರೂ ಬಂದು ಉಳಿಸಿರಿ' ಎಂದು ಕೂಗಿದಳು. ಅಷ್ಟರಲ್ಲಿ ಹುಡುಗ ಒಂದೆರಡು ಸಲ ಮುಳುಗಿಯೆದ್ದು ಪುನಃ ಮುಳುಗಿ ಮತ್ತೆ ಮೆಲೇಳಲೇ ಇಲ್ಲ. ಜನರ ಗುಂಪು ನೆರೆಯಿತು. ಈ ಗದ್ದಲ ಕೇಳಿದ ದೊಡ್ಡಸಿದ್ಧನು ಬಂದು ಅಳಲಾರಂಭಿಸಿದನು. ಆಗ ಯಾರೋ ಹೋಗಿ ಸಿದ್ದಾರೂಢರಿಗೆ ತಿಳಿಸಿದಾಗ ಅವರೂ ಧಾವಿಸಿ ಬಂದರು. ನಂತರ ಓರ್ವ ಸಾಧುಪುರುಷ ಕೆರೆಯಲ್ಲಿ ಜಿಗಿದು ಹುಡುಗನನ್ನು ಹುಡುಕಾಡಿ ಸಿಕ್ಕ ಮೇಲೆ ಅವನನ್ನು ಮೇಲೆ ತಂದು ಮಲಗಿಸಿದನು.
ಅತ್ತ ಬಾಳವ್ವನಿಗೆ ಸುದ್ದಿ ಮುಟ್ಟಿ ಅಳುತ್ತ ಓಡಿ ಬಂದು ಮರಣ ಹೊಂದಿದ ತನ್ನ ಮಗುವನ್ನು ತನ್ನ ತೊಡೆ ಮೇಲೆ ತೆಗೆದುಕೊಂಡು `ಅಪಾ, ನೀನೇ ಕೊಟ್ಟ ಮಗುವನ್ನು ನೀನೇ ತೆಗೆದುಕೊಳ್ಳುವುದು ಸರಿಯೆ?' ಎಂದು ಅಳಲಾರಂಭಿಸಿದಳು. ಆಗ ಸಿದ್ಧನು 'ತಾಯಿ, ನೀನು ಚಿಂತಿಸಬೇಡ. ಯಾವಾಗಲೂ ಸದ್ಗುರುವಿನ ಸೇವೆಯನ್ನು ಮನಮುಟ್ಟಿ ಮಾಡಿದ ನಿನ್ನ ಪುಣ್ಯ ವ್ಯರ್ಥ ಹೋಗುವುದಿಲ್ಲ, ಸದ್ಗುರುವು ನಿನ್ನ ಕೈ ಬಿಡುವುದಿಲ್ಲ. ಸ್ವಲ್ಪ ತಡೆ. ನಿನ್ನ ಮಗನು ಬದುಕುತ್ತಾನೆ' ಎಂದು ಹುಡುಗನನ್ನು ಅಂಗಾತ ಮಲಗಿಸಿ ಮಗುವಿನ ಹೊಟ್ಟೆಯ ಮೇಲೆ ಪಾದವನ್ನಿರಿಸಿ ತಲೆಯ ಮೇಲೆ ಕೈಯಿಟ್ಟು ಸ್ವಲ್ಪ ಹೊತ್ತು ತೂಷ್ಟಿಂ ಸ್ಥಿತಿಯಲ್ಲಿದ್ದರು. ಅಷ್ಟರಲ್ಲಿ ಅವನ ಪ್ರಾಣ ಸಂಚಾರವಾಗಿ ಮಗುವು ಕೈಕಾಲುಗಳನ್ನು ಅಲ್ಲಾಡಿಸಿ ಕಣ್ಣು ತೆರೆದು ನೋಡಿದನು. ಆಮೇಲೆ ಅವನನ್ನು ಮಠಕ್ಕೆ ತಂದರು. ಆಗ ಆರೂಢರು ಅವನಿಗೆ ಭಸ್ಮ ಲೇಪಿಸಿ ಆಶೀರ್ವದಿಸಿದಾಗ ಮಗುವಿನಲ್ಲಿ ಶಕ್ತಿ ಸಂಚಾರವಾಗಿ ನೆಟ್ಟಗಾದನು. ಬಾಳವ್ವ ಸಂತೋಷದಿಂದ ಸಿದ್ದರನ್ನು ಕೊಂಡಾಡಿ ಮಕ್ಕಳನ್ನು ಮನೆಗೆ ಕರೆದುಕೊಂಡು ಹೋದಳು. ಆಗ ಎಲ್ಲರೂ ಸಿದ್ಧರ ಜಯಜಯಕಾರ ಮಾಡಿದರು.


_______________________________
ಮುಂದಿನ ಕಥೆ ಓದಲು ಕ್ಲಿಕ್ ಮಾಡಿ 
👉ಸುಡುವ ಗಂಜಿಯಲ್ಲಿ ಬಿದ್ದ ಹುಡುಗನ ರಕ್ಷಣೆ

ಸಿದ್ಧಾರೂಢ ಭಾಗವತ ಎಲ್ಲ ಕಥೆಗಳ ಸಂಗ್ರಹಕ್ಕೆ

ಮೇಲಿನ ಸಂಪೂರ್ಣ ಲೀಲಾಕಥೆಯನ್ನು ನಿಮ್ಮ ಫ್ರೆಂಡ್ಸ್ ಗೆ what's app, Facebook ಮೂಲಕ share ಮಾಡಲು ಕೆಳಗಡೆ ಒತ್ತಿ 👇

Facebook ಅಲ್ಲಿ share ಮಾಡಲು ಕೆಳಗಡೆ share ಲಿಂಕ್ ಉಪಯೋಗಿಸಿ 
👇



👇



👇

Popular posts from this blog

ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ್ದು

-
Image
ಒಂದಾನೊಂದು ದಿವಸ ಸಿದ್ಧನು ಬಾಲಕರ ಕೂಡ ಆಡುತ್ತಿರುವಾಗ, ಬಾಲಕರೆಲ್ಲ ಕೂಡಿ ಸಿದ್ದನಿಗೆ ಎಳ್ಳು ಕೇಳುವವರಾದರು. ಆಗ ಸಿದ್ಧನು  ಅವರಿಗೆ ಆಶ್ವಾಸನೆ ಕೊಟ್ಟು ತನ್ನ ಮನೆಗೆ ಕರಕೊಂಡು ಬಂದನು. ಅವರನ್ನು ಕರೆದುಕೊಂಡು ಅಡುಗೆ ಮನೆಯೊಳಗೆ ಹೊಕ್ಕು ನೋಡುತ್ತಿರುವಾಗ, ಎಳ್ಳಿನ ಗಡಿಗೆಯು ಆತನ ಕೈಗೆ ನಿಲುಕಲಾರದಷ್ಟು  ಎತ್ತರವಾದ  ನೆಲುವಿನ ಮೇಲಿತ್ತು. ಆಗ ಸಿದ್ಧನು  ಒಂದು ಬಡಿಗೆ ತಂದು ಅದರಿಂದ ಆ ಗಡಿಗೆಯ  ಬುಡಕ್ಕೆ ಚುಚ್ಚಿ ತೂತು ಮಾಡಿದನು. ಆಗ ಎಳ್ಳು ಧಾರಾಕಾರವಾಗಿ ಸುರಿಯುತ್ತಿರುವುದನ್ನು ನೋಡಿ, ಹುಡುಗರೆಲ್ಲಾ ತಮತಮಗೆ ಬೇಕಾದಷ್ಟು ಎಳ್ಳನ್ನು ಕಟ್ಟಿಕೊಂಡು ಹೋದರು. ಅವರನ್ನು ಕಂಡು ಇತರ ಅನೇಕರೂ ಬಂದು ನೋಡಲು, ಸಣ್ಣದಾದ  ಎಳ್ಳಿನ ಗಡಿಗೆಯ ಕೆಳಗೆ  ದೊಡ್ಡ ಎಳ್ಳಿನ ರಾಶಿಯಿದ್ದು ನೋಡಿ  ಎಷ್ಟೋ ಮಂದಿ ಅದರೊಳಗಿಂದ ಎಳ್ಳನ್ನು ಕಟ್ಟಿಕೊಂಡು ಹೋಗುತ್ತಿದ್ದರು. ಇದನ್ನು ಕಂಡು ಬಹು ಆಶ್ಚರ್ಯಭರಿತರಾಗಿ ಇದು ಬಾಲರೂಪದಿಂದ ಕಾಣಿಸಿಕೊಳ್ಳುವ ಸಾಕ್ಷಾತ್ ಅವತಾರಿಕನಾದ ಸಿದ್ಧನ ಮಹಿಮೆಯಂದು ಆತನನ್ನು ಕೊಂಡಾಡಿದರು. ಸಾವಿರಾರು ಗಡಿಗೆಯೊಳಗೆ ಹಿಡಿಸಲಾರದಷ್ಟು ಈ ಎಳ್ಳಿನ ರಾಶಿ ಒಂದು ಚಿಕ್ಕ ಗಡಿಗೆಯೊಳಗಿಂದ ಹೇಗೆ  ಬಂತು ? ಎಂದು ಸಿದ್ಧನ ಖ್ಯಾತಿಯನ್ನು ಜನರು ಎಲ್ಲಾ ಕಡೆಯಲ್ಲಿ ವರ್ಣಿಸುತ್ತಿದ್ದರು. ಅಷ್ಟರಲ್ಲಿ ಸಿದ್ಧನ ತಾಯಿ ದೇವಮಲ್ಲಮ್ಮನು ಮನೆಯೊಳಗೆ ಬಂದು ನೋಡಲಾಗಿ, ಪುತ್ರನ ಲೀಲಾ ಕಂಡು ಆಶ್ಚರ್ಯಚಕಿತಳ...
Read more •••>>>>

ಸಿದ್ಧಾರೂಢ ಭಾಗವತ ಲೀಲಾಕಥೆಗಳ

-
Image
  ಎಲ್ಲ ಕಥೆಗಳನ್ನು ಓದಲು click ಮಾಡಿ  ಪ್ರಥಮ ಸ್ಕಂದಕಥೆಗಳು   1) 👉 ಕೈಲಾಸದಲ್ಲಿ ಪಾರ್ವತಿ ಪರಮೇಶ್ವರ ಮುಂದೆ ಭೂಲೋಕ ಸಮಾಚಾರ ಪ್ರಸ್ತಾಪ 2)👉 ಸದಾಶಿವನು ಸಿದ್ದ ನಾಮದಿಂದ ಭೂಮಿಯಲ್ಲಿ  ಅವತರಿಸಿದ ಕಥೆ 3) ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ ಕಥೆ 4) ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ ಕಥೆ   5) ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ ಕಥೆ 6) ದೇವದತ್ತನನ್ನು ಕೆರೆಯಲ್ಲಿ ಮುಳಗಿಸಿ ಬ್ರಹ್ಮಾನಂದದಲ್ಲಿ ಇರುವಂತೆ ಮಾಡಿದ ಬಾಲಸಿದ್ಧನ ಕಥೆ , 7) ವನಭೋಜನಕ್ಕೆ ಹೋದಾಗ ನೀರಲಹಣ್ಣಿನ ರಾಶಿ ಮಾಡಿದು ಹಾಗೆ ಸತ್ತ ಹಾವು ಬದುಕಿಸಿದ ಲೀಲೆಗಳು 8) ಗುರು ಶೋಧನೆಗಾಗಿ ಬಾಲ ಸಿದ್ಧ ಮಾಡಿದ ಜಾಣಯುಕ್ತಿ ಕಥೆ 9) ಶಿವನು ಜಂಗಮವೇಷದಲ್ಲಿ ಬಂದು ಬಾಲಸಿದ್ಧನನ್ನು ಬದುಕಿಸಿ ಬ್ರಹ್ಮಚರ್ಯ ದೀಕ್ಷೆ ಕೊಟ್ಟ ಕಥೆ 10) ಗುರುಶೋಧನೆಗಾಗಿ ತಂದೆತಾಯಿ ಪುರಜನರು ಹರುಷದಿಂದ ಕಳಿಸಿಕೊಟ್ಟ ಕಥೆ 11) ಸೋಮ ಭೀಮರಿಗೆ ಗುರುಶೋದನೆ ಬಗ್ಗೆ ಹೇಳಿ ಅವರನ್ನು ತನ್ನ ಸಂಗಡ ಕರೆದುಕೊಂಡು ಹೋದ ಕಥೆ 12) ಹಸಿವುನಿಂದ ಕಂಗೆಟ್ಟ ಸೋಮು ಭೀಮುರಿಗೆ ಬಾಲಸಿದ್ದನು ಹಸಿವನ್ನು ಜಯಸು ಬಗ್ಗೆ ಹೇಳಿದ ಕಥೆ 13) ನಳದುರ್ಗದಲ್ಲಿ ನಂದಿಯೇ ಕಂದರೂಪದಿಂದ ಬಂದನೆಂದು ಸಿದ್ಧನನ್ನು ಭಕ್ತಿಯಿಂದ ಪೂಜಿಸಿ ಅನ್ನಸಂತರ್ಪಣೆ ಮಾಡಿದ ಪುರ ಜನರು , 14) ಸಂಚಾರದಲ್ಲಿ ಸೋಮು, ಭೀಮ, ಸಿದ್ಧ ಮೂವರು ಹಲವು ವಿಧದ...
Read more •••>>>>

ಬಾಲಸಿದ್ಧಾರೂಢನು ಓಂಕಾರದ ಅರ್ಥವನ್ನು ಗುರುಗಳಿಗೆ ಹೇಳಿದ ಕಥೆ   

-
Image
 🕉️  ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ್ದು  🕉️ ಲೋಕಾರೂಢಿಯಂತೆ ಗುರುಶಾಂತಪ್ಪನು ಪುತ್ರನನ್ನು ಕುರಿತು "ಸಿದ್ದಾ ನೀನು ಹಠಮಾಡಬೇಡಾ, ನಿನ್ನ ಗೆಳೆಯರೆಲ್ಲರೂ ಶಾಲೆಗೆ ಹೋಗಲಾರಂಭಿಸಿದ್ದಾರೆ. ನೀನೂ ಶಾಲೆಗೆ ಹೋಗಿ  ಅಕ್ಷರಭ್ಯಾಸ ಮಾಡಬೇಕು'' ಅಂತಾ ಕೈಹಿಡಿದುಕೊಂಡು ರಮಿಸುತ್ತ ಶಾಲೆಗೆ ಕರೆತಂದು ಶಾಲಾ ಗುರುಗಳಿಗೆ ಒಪ್ಪಿಸುತ್ತಾ ಅಧ್ಯಾಪಕರೆ, “ಈ ನಮ್ಮ ಕಂದನಿಗೆ ಮೂಲ ಅಕ್ಷರಾಭ್ಯಾಸ ಮಾಡಿಸಿರಿ'' ಅಂತಾ ಹೇಳಲು "ನಾನೆಲ್ಲ ಶಿಕ್ಷಣ ನೀಡುವೆ ನೀನು ಹೋಗಬಹುದು" ಅಂತಾ ಹೇಳಿ ಅಧ್ಯಾಪಕರು ಬಾಲಕನನ್ನು ಕೂಡ್ರಿಸಿಕೊಂಡು ಪಾಟಿಯ ಮೇಲೆ “ಓಂಕಾರ'' ಬರೆದು ಅಭ್ಯಾಸ ಮಾಡು ಅಂತಾ ಹೇಳಿದರು ಆಗ ಸಿದ್ಧನು ನಮಿಸುತ್ತಾ ಗುರುಗಳೆ ಓಂಕಾರದ ಅರ್ಥವನ್ನು ತಿಳಿಸಿರಿ ಅಂತಾ ಕೇಳಿದ್ದಕ್ಕೆ ವಿದ್ಯಾಭ್ಯಾಸ ಪೂರೈಸಿ ವ್ಯಾಕರಣವನ್ನು ತಿಳಿಯಬೇಕು. ಹೀಗಾಗದಿದ್ದರೆ ಓಂಕಾರದ ಅರ್ಥವನ್ನು ನಿನಗೆ ಗ್ರಹಣ ಮಾಡಲು ಸಾಧ್ಯವಿಲ್ಲ ಅಂತಾ ಅಧ್ಯಾಪಕರು ಹೇಳಿದರು. ಆಗ ಸಿದ್ಧಬಾಲಕನು ''ನನ್ನ ಬುದ್ದಿಯು ಶುದ್ದವಾಗಿದೆ. ತಿಳಿಯಲಿಕ್ಕೆ ಸಾಮರ್ಥ್ಯವಿದೆ. ಓಂಕಾರದ ಅರ್ಥ ಹೇಳಿದಲ್ಲಿ ಪಠಣ ಮಾಡುವೆ'' ಅಂತಾ ಹಠಹಿಡಿದಿದ್ದಕ್ಕೆ ಕೋಪಾವಿಷ್ಟರಾಗಿ ಗುರುಗಳು ಸಿದ್ದಾ 'ಅ' ಕಾರ 'ಉ' ಕಾರ ಮತ್ತು 'ಮ' ಕಾರ ಈ ಪ್ರಕಾರ ಬೀಜಗಳಿದ್ದು 'ಅ' ಕಾರದ ಮುಂದೆ 'ಉ' ಕಾರ ...
Read more •••>>>>