ಮುದಕಿಯ ಅದ್ಬುತ ಭಕ್ತಿಗೆ ಸಿದ್ಧರಿಂದ ಮರಣವೇ ಸರಿಯಿತು

-
 🌺 ಮುದಕಿ ಅದ್ಬುತ ಭಕ್ತಿಗೆ ಮರಣವೇ ಸರಿಯಿತು 🌺



ಹುಬ್ಬಳ್ಳಿಯ ಭೋಮ್ಮಾಪುರ ಓಣಿಯೊಳಗಿರುವ ಮುರಗೋಡದವರ  ಮನೆತನದವರು ಸಿದ್ದರ ಪರಮ  ಭಕ್ತರು, ಅ ಮನೆಯ ದೇವಿಕಾಬಾಯಿಗೆ ನೂರು  ವರ್ಷವಾಗಿತ್ತು, ಅವಳಿಗಂತೂ ಸಿದ್ದರ ನಾಮಾಮೃತವೇ ಅನ್ನ ನೀರು ಹಾಸು ಹೊದಿಕೆಗಳಾಗಿದ್ದಳು. ಅವಳು ತನ್ನ ಬಾಳನ್ನು ಸಿದ್ದರ ಸೇವೆಯಲ್ಲಿ ಸವೆಸಿದ್ದಳು. ಸಿದ್ದರನ್ನು  ನೆನೆಯುತ್ತ ಕುಳಿತರೆ ಅವಳ ಹರ್ಷ ಉಕ್ಕುತ್ತಿತ್ತು, ಆಯುಷ್ಯ ವೃದ್ಧಿಯಾಗುತ್ತಿತ್ತು. ಅವಳು ಹಾಸಿಗೆ ಹಿಡಿದಳು. ಮೊದಲೇ ಹಣ್ಣೆಲೆಯಂತಿದ್ದಳು. ಯಾವಾಗಾದರೂ ಅದು ಉದುರಿಬೀಳುತ್ತದೆಂದು ಮನೆಯವರು ಎಣಿಸಿದ್ದರು, ಅವಳ ದೇಹದಲ್ಲಿಯ ಪ್ರಾಣದ  ಎಣ್ಣೆ ತೀರುತ್ತ ಬಂದಿತೇನೋ ಎನ್ನುವಂತೆ ಅವಳು ಮೆತ್ತಗಾದಳು. ಮಾತು ನಿಂತವು. ಜೀವ  ಟುಕುಟುಕು ಹೊಡೆದುಕೊಳ್ಳತೊಡಗಿತು. ದೇಹದ ಮೇಲೆ ಸಾವಿನ ಕರಾಳ ಛಾಯೆ  ಕ೦ಡ೦ತಾಯಿತು, ತಾಯಿ ಹೊರಟಳು ಎಂದು ಎಲ್ಲರಿಗೂ ಸಂಕಟವಾಯಿತು. ಅಳತೊಡಗಿದರು. ಅವಳ ಕಣ್ಣು ಒಳಸೇರಿದವು. ತುಟಿ ಮುಚ್ಚಿದರು. ಆ ತಾಯಿಯನ್ನು ಅಂಗಾತ ಮಲಗಿಸಿ ಎರಡೂ ಕೈಗಳನ್ನು ಎದೆಯ ಮೇಲೆ ಇಟ್ಟರು. ಜೀವದ ಗಾಳಿ  ನಿಂತಿತೆನಿಸಿತು. ಬಾಗಿಲಲ್ಲಿ ಸಿದಿಗೆ ಸಿದ್ಧವಾಯಿತು. ಬರುವವರೆಲ್ಲರೂಬರತೊಡಗಿದರು, ಅಳು ಮನೆಯನ್ನು ಆವರಿಸಿತು. ಹೆಣದ ಬಳಿಯಲ್ಲಿ ಎಷ್ಟೋ ಹೊತ್ತಿನಿಂದ ಅಳುತ್ತ ಕುಳಿತ ಹೆಣ್ಣು ಮಕ್ಕಳ ಅಳು ಒಮ್ಮೆಲೇ ನಿಂತಿತು. ಅವರು ಮಲಗಿದ ಮುದುಕಿಯ ಮುಚ್ಚಿದ ತುಟಿಗಳನ್ನು ಕಂಡರು, ಅವರು ತಮ್ಮ ಕಣ್ಣುಗಳನ್ನೇ ನಂಬಲಿಲ್ಲ. ಒಮ್ಮೆ ಕಣ್ಣನ್ನು ಚನ್ನಾಗಿ ಉಜ್ಜಿಕೊಂಡು ನೋಡಿದರು. ಆ ತುಟಿಗಳು ಮೆಲ್ಲನೆ ಅಲುಗತೊಡಗಿದ್ದವು. ಎದೆಯ ಮೇಲೆ ಮಡಚಿದ್ದ ಕೈಗಳು ಸಾವಕಾಶವಾಗಿ ತಾಳಹಾಕುತ್ತಿದ್ದವು. ಅವಳು ಏನೋ ಹೇಳಬೇಕೆಂದು ಆತುರಪಡುತಿದ್ದಾಳೆಂದು ನೋಡುವವರಿಗೆ ಅನಿಸಿತು. ಮಗ್ಗುಲಿಗೆ ಎವೆಯನ್ನೂ ಪಿಳುಹಿಸದೆ  ಕುಳಿತ ಅವಳ ಮೈದುನ ಪೀತಾಂಬರಪ್ಪನು ಬಗ್ಗಿದನು. ಅವಳ ಕಿವಿಯ ಹತ್ತಿರ ಬಾಯಿಯ ಇಟ್ಟು ಮೆಲ್ಲನೇ, 'ವೈನೀ, ನಿಮ್ಮ ಇಚ್ಚಾ ಏನು ಹೇಳಿರಿ, ನಾವು ನಡೆಸಿಕೊಡುತ್ತೇವೆ' ಎಂದು ಉಸುರಿದನು. ಅವಳು ಮೆಲ್ಲನೆ, 'ಸಿದ್ಧಾರೂಢಪ್ಪ ನನ್ನ ಮಗ್ಗುಲಲ್ಲಿ ಬಂದು ಕುಳಿತಿದ್ದಾರೆ. ಶಿವಾಯ ನಮಃ ನುಡಿಯಲು ಹೇಳುತ್ತಿದ್ದಾರೆ. ಎಬ್ಬಿಸಿ ಕೂಡ್ರಿಸಿರಿ. ಅಪ್ಪ ನವರ ಪಾದಕ್ಕೆ ನಮಸ್ಕರಿಸುತ್ತೇನೆ' ಎಂದಳು. ಅವಳು ಮಗ್ಗುಲ ಸ್ಥಳವನ್ನು ತೋರಿಸಿದಳು . 'ಇಲ್ಲಿ ಅಪ್ಪನವರು ನಿಂತಿದ್ದರು' ಎಂದು ಆ ಸ್ಥಳದಲ್ಲಿ ಹಣೆ ಹಚ್ಚಿ ಅವಳು ನಮಸ್ಕರಿಸಿದಳು. ತಾಯಿ ಮತ್ತೆ ಹತ್ತು ವರ್ಷ ಬದುಕಿದಳು, ತನ್ನ ಶರೀರವನ್ನು ಸಿದ್ಧರ ಸೇವೆಯಲ್ಲಿ  ಕಳೆದಳು.


_______________________________
ಮುಂದಿನ ಕಥೆ ಓದಲು ಕ್ಲಿಕ್ ಮಾಡಿ 
👉ಮಣ್ಣಿನ ಮೂರ್ತಿಯಲ್ಲಿ ನಿಜ ಸಿದ್ಧರು

ಸಿದ್ಧಾರೂಢ ಭಾಗವತ ಎಲ್ಲ ಕಥೆಗಳ ಸಂಗ್ರಹಕ್ಕೆ

ಮೇಲಿನ ಸಂಪೂರ್ಣ ಲೀಲಾಕಥೆಯನ್ನು ನಿಮ್ಮ ಫ್ರೆಂಡ್ಸ್ ಗೆ what's app, Facebook ಮೂಲಕ share ಮಾಡಲು ಕೆಳಗಡೆ ಒತ್ತಿ 👇

Facebook ಅಲ್ಲಿ share ಮಾಡಲು ಕೆಳಗಡೆ share ಲಿಂಕ್ ಉಪಯೋಗಿಸಿ 
👇



👇



👇

Popular posts from this blog

ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ್ದು

-
Image
ಒಂದಾನೊಂದು ದಿವಸ ಸಿದ್ಧನು ಬಾಲಕರ ಕೂಡ ಆಡುತ್ತಿರುವಾಗ, ಬಾಲಕರೆಲ್ಲ ಕೂಡಿ ಸಿದ್ದನಿಗೆ ಎಳ್ಳು ಕೇಳುವವರಾದರು. ಆಗ ಸಿದ್ಧನು  ಅವರಿಗೆ ಆಶ್ವಾಸನೆ ಕೊಟ್ಟು ತನ್ನ ಮನೆಗೆ ಕರಕೊಂಡು ಬಂದನು. ಅವರನ್ನು ಕರೆದುಕೊಂಡು ಅಡುಗೆ ಮನೆಯೊಳಗೆ ಹೊಕ್ಕು ನೋಡುತ್ತಿರುವಾಗ, ಎಳ್ಳಿನ ಗಡಿಗೆಯು ಆತನ ಕೈಗೆ ನಿಲುಕಲಾರದಷ್ಟು  ಎತ್ತರವಾದ  ನೆಲುವಿನ ಮೇಲಿತ್ತು. ಆಗ ಸಿದ್ಧನು  ಒಂದು ಬಡಿಗೆ ತಂದು ಅದರಿಂದ ಆ ಗಡಿಗೆಯ  ಬುಡಕ್ಕೆ ಚುಚ್ಚಿ ತೂತು ಮಾಡಿದನು. ಆಗ ಎಳ್ಳು ಧಾರಾಕಾರವಾಗಿ ಸುರಿಯುತ್ತಿರುವುದನ್ನು ನೋಡಿ, ಹುಡುಗರೆಲ್ಲಾ ತಮತಮಗೆ ಬೇಕಾದಷ್ಟು ಎಳ್ಳನ್ನು ಕಟ್ಟಿಕೊಂಡು ಹೋದರು. ಅವರನ್ನು ಕಂಡು ಇತರ ಅನೇಕರೂ ಬಂದು ನೋಡಲು, ಸಣ್ಣದಾದ  ಎಳ್ಳಿನ ಗಡಿಗೆಯ ಕೆಳಗೆ  ದೊಡ್ಡ ಎಳ್ಳಿನ ರಾಶಿಯಿದ್ದು ನೋಡಿ  ಎಷ್ಟೋ ಮಂದಿ ಅದರೊಳಗಿಂದ ಎಳ್ಳನ್ನು ಕಟ್ಟಿಕೊಂಡು ಹೋಗುತ್ತಿದ್ದರು. ಇದನ್ನು ಕಂಡು ಬಹು ಆಶ್ಚರ್ಯಭರಿತರಾಗಿ ಇದು ಬಾಲರೂಪದಿಂದ ಕಾಣಿಸಿಕೊಳ್ಳುವ ಸಾಕ್ಷಾತ್ ಅವತಾರಿಕನಾದ ಸಿದ್ಧನ ಮಹಿಮೆಯಂದು ಆತನನ್ನು ಕೊಂಡಾಡಿದರು. ಸಾವಿರಾರು ಗಡಿಗೆಯೊಳಗೆ ಹಿಡಿಸಲಾರದಷ್ಟು ಈ ಎಳ್ಳಿನ ರಾಶಿ ಒಂದು ಚಿಕ್ಕ ಗಡಿಗೆಯೊಳಗಿಂದ ಹೇಗೆ  ಬಂತು ? ಎಂದು ಸಿದ್ಧನ ಖ್ಯಾತಿಯನ್ನು ಜನರು ಎಲ್ಲಾ ಕಡೆಯಲ್ಲಿ ವರ್ಣಿಸುತ್ತಿದ್ದರು. ಅಷ್ಟರಲ್ಲಿ ಸಿದ್ಧನ ತಾಯಿ ದೇವಮಲ್ಲಮ್ಮನು ಮನೆಯೊಳಗೆ ಬಂದು ನೋಡಲಾಗಿ, ಪುತ್ರನ ಲೀಲಾ ಕಂಡು ಆಶ್ಚರ್ಯಚಕಿತಳ...
Read more •••>>>>

ಸಿದ್ಧಾರೂಢ ಭಾಗವತ ಲೀಲಾಕಥೆಗಳ

-
Image
  ಎಲ್ಲ ಕಥೆಗಳನ್ನು ಓದಲು click ಮಾಡಿ  ಪ್ರಥಮ ಸ್ಕಂದಕಥೆಗಳು   1) 👉 ಕೈಲಾಸದಲ್ಲಿ ಪಾರ್ವತಿ ಪರಮೇಶ್ವರ ಮುಂದೆ ಭೂಲೋಕ ಸಮಾಚಾರ ಪ್ರಸ್ತಾಪ 2)👉 ಸದಾಶಿವನು ಸಿದ್ದ ನಾಮದಿಂದ ಭೂಮಿಯಲ್ಲಿ  ಅವತರಿಸಿದ ಕಥೆ 3) ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ ಕಥೆ 4) ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ ಕಥೆ   5) ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ ಕಥೆ 6) ದೇವದತ್ತನನ್ನು ಕೆರೆಯಲ್ಲಿ ಮುಳಗಿಸಿ ಬ್ರಹ್ಮಾನಂದದಲ್ಲಿ ಇರುವಂತೆ ಮಾಡಿದ ಬಾಲಸಿದ್ಧನ ಕಥೆ , 7) ವನಭೋಜನಕ್ಕೆ ಹೋದಾಗ ನೀರಲಹಣ್ಣಿನ ರಾಶಿ ಮಾಡಿದು ಹಾಗೆ ಸತ್ತ ಹಾವು ಬದುಕಿಸಿದ ಲೀಲೆಗಳು 8) ಗುರು ಶೋಧನೆಗಾಗಿ ಬಾಲ ಸಿದ್ಧ ಮಾಡಿದ ಜಾಣಯುಕ್ತಿ ಕಥೆ 9) ಶಿವನು ಜಂಗಮವೇಷದಲ್ಲಿ ಬಂದು ಬಾಲಸಿದ್ಧನನ್ನು ಬದುಕಿಸಿ ಬ್ರಹ್ಮಚರ್ಯ ದೀಕ್ಷೆ ಕೊಟ್ಟ ಕಥೆ 10) ಗುರುಶೋಧನೆಗಾಗಿ ತಂದೆತಾಯಿ ಪುರಜನರು ಹರುಷದಿಂದ ಕಳಿಸಿಕೊಟ್ಟ ಕಥೆ 11) ಸೋಮ ಭೀಮರಿಗೆ ಗುರುಶೋದನೆ ಬಗ್ಗೆ ಹೇಳಿ ಅವರನ್ನು ತನ್ನ ಸಂಗಡ ಕರೆದುಕೊಂಡು ಹೋದ ಕಥೆ 12) ಹಸಿವುನಿಂದ ಕಂಗೆಟ್ಟ ಸೋಮು ಭೀಮುರಿಗೆ ಬಾಲಸಿದ್ದನು ಹಸಿವನ್ನು ಜಯಸು ಬಗ್ಗೆ ಹೇಳಿದ ಕಥೆ 13) ನಳದುರ್ಗದಲ್ಲಿ ನಂದಿಯೇ ಕಂದರೂಪದಿಂದ ಬಂದನೆಂದು ಸಿದ್ಧನನ್ನು ಭಕ್ತಿಯಿಂದ ಪೂಜಿಸಿ ಅನ್ನಸಂತರ್ಪಣೆ ಮಾಡಿದ ಪುರ ಜನರು , 14) ಸಂಚಾರದಲ್ಲಿ ಸೋಮು, ಭೀಮ, ಸಿದ್ಧ ಮೂವರು ಹಲವು ವಿಧದ...
Read more •••>>>>

ಬಾಲಸಿದ್ಧಾರೂಢನು ಓಂಕಾರದ ಅರ್ಥವನ್ನು ಗುರುಗಳಿಗೆ ಹೇಳಿದ ಕಥೆ   

-
Image
 🕉️  ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ್ದು  🕉️ ಲೋಕಾರೂಢಿಯಂತೆ ಗುರುಶಾಂತಪ್ಪನು ಪುತ್ರನನ್ನು ಕುರಿತು "ಸಿದ್ದಾ ನೀನು ಹಠಮಾಡಬೇಡಾ, ನಿನ್ನ ಗೆಳೆಯರೆಲ್ಲರೂ ಶಾಲೆಗೆ ಹೋಗಲಾರಂಭಿಸಿದ್ದಾರೆ. ನೀನೂ ಶಾಲೆಗೆ ಹೋಗಿ  ಅಕ್ಷರಭ್ಯಾಸ ಮಾಡಬೇಕು'' ಅಂತಾ ಕೈಹಿಡಿದುಕೊಂಡು ರಮಿಸುತ್ತ ಶಾಲೆಗೆ ಕರೆತಂದು ಶಾಲಾ ಗುರುಗಳಿಗೆ ಒಪ್ಪಿಸುತ್ತಾ ಅಧ್ಯಾಪಕರೆ, “ಈ ನಮ್ಮ ಕಂದನಿಗೆ ಮೂಲ ಅಕ್ಷರಾಭ್ಯಾಸ ಮಾಡಿಸಿರಿ'' ಅಂತಾ ಹೇಳಲು "ನಾನೆಲ್ಲ ಶಿಕ್ಷಣ ನೀಡುವೆ ನೀನು ಹೋಗಬಹುದು" ಅಂತಾ ಹೇಳಿ ಅಧ್ಯಾಪಕರು ಬಾಲಕನನ್ನು ಕೂಡ್ರಿಸಿಕೊಂಡು ಪಾಟಿಯ ಮೇಲೆ “ಓಂಕಾರ'' ಬರೆದು ಅಭ್ಯಾಸ ಮಾಡು ಅಂತಾ ಹೇಳಿದರು ಆಗ ಸಿದ್ಧನು ನಮಿಸುತ್ತಾ ಗುರುಗಳೆ ಓಂಕಾರದ ಅರ್ಥವನ್ನು ತಿಳಿಸಿರಿ ಅಂತಾ ಕೇಳಿದ್ದಕ್ಕೆ ವಿದ್ಯಾಭ್ಯಾಸ ಪೂರೈಸಿ ವ್ಯಾಕರಣವನ್ನು ತಿಳಿಯಬೇಕು. ಹೀಗಾಗದಿದ್ದರೆ ಓಂಕಾರದ ಅರ್ಥವನ್ನು ನಿನಗೆ ಗ್ರಹಣ ಮಾಡಲು ಸಾಧ್ಯವಿಲ್ಲ ಅಂತಾ ಅಧ್ಯಾಪಕರು ಹೇಳಿದರು. ಆಗ ಸಿದ್ಧಬಾಲಕನು ''ನನ್ನ ಬುದ್ದಿಯು ಶುದ್ದವಾಗಿದೆ. ತಿಳಿಯಲಿಕ್ಕೆ ಸಾಮರ್ಥ್ಯವಿದೆ. ಓಂಕಾರದ ಅರ್ಥ ಹೇಳಿದಲ್ಲಿ ಪಠಣ ಮಾಡುವೆ'' ಅಂತಾ ಹಠಹಿಡಿದಿದ್ದಕ್ಕೆ ಕೋಪಾವಿಷ್ಟರಾಗಿ ಗುರುಗಳು ಸಿದ್ದಾ 'ಅ' ಕಾರ 'ಉ' ಕಾರ ಮತ್ತು 'ಮ' ಕಾರ ಈ ಪ್ರಕಾರ ಬೀಜಗಳಿದ್ದು 'ಅ' ಕಾರದ ಮುಂದೆ 'ಉ' ಕಾರ ...
Read more •••>>>>