ಗುರುನಾಥರ ಕೃಪಾದೃಷ್ಟಿಯಿಂದ ಶಿವಮೂರ್ತೆಯ್ಯ ಮಠದಧಿಕಾರಿಯಾದನು

-



ಹುಬ್ಬಳ್ಳಿ ತಾಲೂಕು ಛಬ್ಬಿ ಗ್ರಾಮದ ಅಡಿವೆಯ್ಯ ಹಿರೇಮಠ ಹಾಗೂ ಸಾದ್ವಿ  ನಾಗಮ್ಮ ದಂಪತಿಗಳಿಗೆ ಮೂರನೆಯ ಮಗನಾದ ಶಿವಮೂರ್ತೆಯ್ಯನ ಜನವು ತಾಯಿಯ ತವರು ಮನೆ ಅದರಗುಂಚಿಯಲ್ಲಾಯಿತು. ಮಗುವು ಅಲ್ಲಿಯೇ ಆರು ವರುಷದವನಾದನು  ಅಲ್ಲಿಯ ಬಸವಣ್ಣಮ್ಮ ಬಾಳೀಕಾಯಿಯೆಂಬವಳು ಪ್ರತಿವರ್ಷ ಯುಗಾದಿಗೆ ಶಿವನಾಮ ಸಪ್ತಾಹ ಮಾಡುತ್ತಿದ್ದಳು. ಒಂದು ವರ್ಷ ಶ್ರೀಸಿದ್ಧಾರೂಢರನ್ನು ಗುರುಗಳೆಂದೇ ಭಾವಿಸಿದ ಅಣ್ಣಿಗೇರಿಯ ರುದ್ರಸ್ವಾಮಿಗಳನ್ನು ಮತ್ತು ಶ್ರೀಗುರುನಾಥರನ್ನು ಸಪ್ತಾಹಕ್ಕೆ ಕರೆಸಿದಾಗ, ಬಾಲಕ ಶಿವಮೂರ್ತಿಯು ಗುಂಡಾ ಆಡುತ್ತಿದ್ದನು. ಆಗ ಶ್ರೀ ಗುರುನಾಥರು ಬಾಲಕನ ಕಡೆಗೆ ತಮ್ಮ ಕಡೆಗಣ್ಣುಗಳಿಂದ ನೋಡಿದರು. ಗುರುನಾಥರ ಕಣ್ಣುಗಳಿಂದ ಬಂದ ಒಂದು ಅವರ್ಣನೀಯ ತೇಜೋರಾಶಿ ಬೆಳಕು  ಶಿವಮೂರ್ತೆಯ್ಯನ ಕಣ್ಣುಗಳಲ್ಲಿ ಪ್ರವೇಶಿಸಿದಾಗ, ಆ ಬಾಲಕನಿಗೆ ಏನೂ ಕಾಣದೆ ಕೇವಲ ಪ್ರಕಾಶಮಯವಾಗಿ ನಿಂತನು. ಎಷ್ಟೋ ಹೊತ್ತಿನ ಬಳಿಕ  ಪುನಃ  ಆ ಬಾಲಕ ಮೊದಲಿನ ಸ್ಥಿತಿಗೆ ಬಂದನು. ಅಷ್ಟರಲ್ಲಿ ಶ್ರೀಗುರುನಾಥರು ಅಲ್ಲಿಂದ  ಹೋಗಿದ್ದರು.
ಮತ್ತೊಂದು ವರ್ಷ ರುದ್ರಮುನಿಸ್ವಾಮಿಗಳು ಅದರಗುಂಚಿ ಸಪ್ತಾಹಕ್ಕೆ ಬಂದಾಗ ಅವರ ಶಿಷ್ಯ ಅಡಿವೆಯ್ಯನವರೂ ಬಂದಿದ್ದರು. ಆಗ ರುದ್ರಮುನಿಗಳು ಅವರನ್ನು ಕುರಿತು ಅಡಿವೆಯ್ಯ ನಿನ್ನ ಮೂರನೆಯ ಮಗ ಶಿವಮೂರ್ತಿಯನ್ನು ನನಗೆ ಕೊಡು ಎಂದಾಗ, ಅಡಿವೆಯ್ಯ ಸಂತೋಷದಿಂದ ಒಪ್ಪಿಕೊಂಡರು ನಂತರ ಬಾಲಕನನ್ನು ತಂದು ಸ್ವಾಮಿಗಳ ಪಾದದಲ್ಲಿ ಹಾಕಿದಾಗ ಸ್ವಾಮಿಗಳು ಅವನನ್ನು ಎಬ್ಬಿಸಿ, ಅವನ ಮುಖದಲ್ಲಿ ಕಲ್ಲುಸಕ್ಕರೆ ಹಾಕಿ ಆಶೀರ್ವದಿಸಿದರು. ಆಗ ಮಗುವು ಗುರುಗಳನ್ನು ಬಿಟ್ಟು ಕದಲಲಿಲ್ಲ. ಮುಂದೆ ಮಗುವಿಗೆ ಕರೆದುಕೊಂಡು ಹೋಗಿ ಸಿದ್ದರ ಗದ್ದುಗೆಗೆ ಮತ್ತು ಶ್ರೀ ಗುರುನಾಥರಿಗೆ ದರ್ಶನ ಮಾಡಿಸಿದಾಗ ಶ್ರೀಗುರುನಾಥರು ಎರಡೂ ಕೈಗಳನ್ನೆತ್ತಿ ನಸುನಗುತ್ತ ಹರುಷದಿಂದ, ಮಠಕ್ಕೆ ಯೋಗ್ಯ ಅಧಿಕಾರಿಯೆಂದು ಮೌನ ಸಮ್ಮತಿ ನೀಡಿದರು. ಆಮೇಲೆ ಶ್ರೀ ರುದ್ರಮುನಿಗಳು ಮಗುವನ್ನು ತಮ್ಮ ಅಣ್ಣಿಗೆರಿಯ ದಾಸೋಹ ಮಠಕ್ಕೆ ಕರೆ ತಂದು, ಅವರಿಗೆ ಮಂತ್ರೋಪದೇಶ ಮಾಡಿ ಶಂಕರೇಂದ್ರ ಸ್ವಾಮಿಗಳೆಂದು ನಾಮಕರಣ ಮಾಡಿ, ಮಠದ ಉತ್ತರಾಧಿಕಾರಿಯನ್ನಾಗಿ ಮಾಡಿದರು. ರುದ್ರಮುನಿ ಮಹಾಸ್ವಾಮಿಗಳು ಮಹಾಸಮಾಧಿ ಹೊಂದಿದ ನಂತರ ಶ್ರೀಶಂಕರೇಂದ್ರ ಸ್ವಾಮಿಗಳು ತಮ್ಮ ಗುರುಪರಂಪರೆಯನ್ನು ತಪ್ಪದೇ ತಮ್ಮ ದಾಸೋಹಮಠದಲ್ಲಿ ನಡೆಸುತ್ತಿರುವದನ್ನು
 ನೋಡಬಹುದು. (ಗುರುನಾಥರೂಢರು ಮಾತು ಆಡದೆ ಹೋದರು ದೃಷ್ಟಿ ಶಕ್ತಿಯಿಂದ ನೋಡಿ ಆಶೀರ್ವಾದ ಮಾಡುತ್ತ ಇದ್ದರು )

 _______________________________
ಮುಂದಿನ ಕಥೆ ಓದಲು ಕ್ಲಿಕ್ ಮಾಡಿ 
👉ಗುರುನಾಥರೂಢರನ್ನು ನಿಂದಿಸಿದ ಪಂಡಿತ ವಂದಿಸಿಹೋದ

ಸಿದ್ಧಾರೂಢ ಭಾಗವತ ಎಲ್ಲ ಕಥೆಗಳ ಸಂಗ್ರಹಕ್ಕೆ

ಮೇಲಿನ ಸಂಪೂರ್ಣ ಲೀಲಾಕಥೆಯನ್ನು ನಿಮ್ಮ ಫ್ರೆಂಡ್ಸ್ ಗೆ what's app, Facebook ಮೂಲಕ share ಮಾಡಲು ಕೆಳಗಡೆ ಒತ್ತಿ 👇

Facebook ಅಲ್ಲಿ share ಮಾಡಲು ಕೆಳಗಡೆ share ಲಿಂಕ್ ಉಪಯೋಗಿಸಿ 
👇



👇



👇

Popular posts from this blog

ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ್ದು

-
Image
ಒಂದಾನೊಂದು ದಿವಸ ಸಿದ್ಧನು ಬಾಲಕರ ಕೂಡ ಆಡುತ್ತಿರುವಾಗ, ಬಾಲಕರೆಲ್ಲ ಕೂಡಿ ಸಿದ್ದನಿಗೆ ಎಳ್ಳು ಕೇಳುವವರಾದರು. ಆಗ ಸಿದ್ಧನು  ಅವರಿಗೆ ಆಶ್ವಾಸನೆ ಕೊಟ್ಟು ತನ್ನ ಮನೆಗೆ ಕರಕೊಂಡು ಬಂದನು. ಅವರನ್ನು ಕರೆದುಕೊಂಡು ಅಡುಗೆ ಮನೆಯೊಳಗೆ ಹೊಕ್ಕು ನೋಡುತ್ತಿರುವಾಗ, ಎಳ್ಳಿನ ಗಡಿಗೆಯು ಆತನ ಕೈಗೆ ನಿಲುಕಲಾರದಷ್ಟು  ಎತ್ತರವಾದ  ನೆಲುವಿನ ಮೇಲಿತ್ತು. ಆಗ ಸಿದ್ಧನು  ಒಂದು ಬಡಿಗೆ ತಂದು ಅದರಿಂದ ಆ ಗಡಿಗೆಯ  ಬುಡಕ್ಕೆ ಚುಚ್ಚಿ ತೂತು ಮಾಡಿದನು. ಆಗ ಎಳ್ಳು ಧಾರಾಕಾರವಾಗಿ ಸುರಿಯುತ್ತಿರುವುದನ್ನು ನೋಡಿ, ಹುಡುಗರೆಲ್ಲಾ ತಮತಮಗೆ ಬೇಕಾದಷ್ಟು ಎಳ್ಳನ್ನು ಕಟ್ಟಿಕೊಂಡು ಹೋದರು. ಅವರನ್ನು ಕಂಡು ಇತರ ಅನೇಕರೂ ಬಂದು ನೋಡಲು, ಸಣ್ಣದಾದ  ಎಳ್ಳಿನ ಗಡಿಗೆಯ ಕೆಳಗೆ  ದೊಡ್ಡ ಎಳ್ಳಿನ ರಾಶಿಯಿದ್ದು ನೋಡಿ  ಎಷ್ಟೋ ಮಂದಿ ಅದರೊಳಗಿಂದ ಎಳ್ಳನ್ನು ಕಟ್ಟಿಕೊಂಡು ಹೋಗುತ್ತಿದ್ದರು. ಇದನ್ನು ಕಂಡು ಬಹು ಆಶ್ಚರ್ಯಭರಿತರಾಗಿ ಇದು ಬಾಲರೂಪದಿಂದ ಕಾಣಿಸಿಕೊಳ್ಳುವ ಸಾಕ್ಷಾತ್ ಅವತಾರಿಕನಾದ ಸಿದ್ಧನ ಮಹಿಮೆಯಂದು ಆತನನ್ನು ಕೊಂಡಾಡಿದರು. ಸಾವಿರಾರು ಗಡಿಗೆಯೊಳಗೆ ಹಿಡಿಸಲಾರದಷ್ಟು ಈ ಎಳ್ಳಿನ ರಾಶಿ ಒಂದು ಚಿಕ್ಕ ಗಡಿಗೆಯೊಳಗಿಂದ ಹೇಗೆ  ಬಂತು ? ಎಂದು ಸಿದ್ಧನ ಖ್ಯಾತಿಯನ್ನು ಜನರು ಎಲ್ಲಾ ಕಡೆಯಲ್ಲಿ ವರ್ಣಿಸುತ್ತಿದ್ದರು. ಅಷ್ಟರಲ್ಲಿ ಸಿದ್ಧನ ತಾಯಿ ದೇವಮಲ್ಲಮ್ಮನು ಮನೆಯೊಳಗೆ ಬಂದು ನೋಡಲಾಗಿ, ಪುತ್ರನ ಲೀಲಾ ಕಂಡು ಆಶ್ಚರ್ಯಚಕಿತಳ...
Read more •••>>>>

ಸಿದ್ಧಾರೂಢ ಭಾಗವತ ಲೀಲಾಕಥೆಗಳ

-
Image
  ಎಲ್ಲ ಕಥೆಗಳನ್ನು ಓದಲು click ಮಾಡಿ  ಪ್ರಥಮ ಸ್ಕಂದಕಥೆಗಳು   1) 👉 ಕೈಲಾಸದಲ್ಲಿ ಪಾರ್ವತಿ ಪರಮೇಶ್ವರ ಮುಂದೆ ಭೂಲೋಕ ಸಮಾಚಾರ ಪ್ರಸ್ತಾಪ 2)👉 ಸದಾಶಿವನು ಸಿದ್ದ ನಾಮದಿಂದ ಭೂಮಿಯಲ್ಲಿ  ಅವತರಿಸಿದ ಕಥೆ 3) ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ ಕಥೆ 4) ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ ಕಥೆ   5) ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ ಕಥೆ 6) ದೇವದತ್ತನನ್ನು ಕೆರೆಯಲ್ಲಿ ಮುಳಗಿಸಿ ಬ್ರಹ್ಮಾನಂದದಲ್ಲಿ ಇರುವಂತೆ ಮಾಡಿದ ಬಾಲಸಿದ್ಧನ ಕಥೆ , 7) ವನಭೋಜನಕ್ಕೆ ಹೋದಾಗ ನೀರಲಹಣ್ಣಿನ ರಾಶಿ ಮಾಡಿದು ಹಾಗೆ ಸತ್ತ ಹಾವು ಬದುಕಿಸಿದ ಲೀಲೆಗಳು 8) ಗುರು ಶೋಧನೆಗಾಗಿ ಬಾಲ ಸಿದ್ಧ ಮಾಡಿದ ಜಾಣಯುಕ್ತಿ ಕಥೆ 9) ಶಿವನು ಜಂಗಮವೇಷದಲ್ಲಿ ಬಂದು ಬಾಲಸಿದ್ಧನನ್ನು ಬದುಕಿಸಿ ಬ್ರಹ್ಮಚರ್ಯ ದೀಕ್ಷೆ ಕೊಟ್ಟ ಕಥೆ 10) ಗುರುಶೋಧನೆಗಾಗಿ ತಂದೆತಾಯಿ ಪುರಜನರು ಹರುಷದಿಂದ ಕಳಿಸಿಕೊಟ್ಟ ಕಥೆ 11) ಸೋಮ ಭೀಮರಿಗೆ ಗುರುಶೋದನೆ ಬಗ್ಗೆ ಹೇಳಿ ಅವರನ್ನು ತನ್ನ ಸಂಗಡ ಕರೆದುಕೊಂಡು ಹೋದ ಕಥೆ 12) ಹಸಿವುನಿಂದ ಕಂಗೆಟ್ಟ ಸೋಮು ಭೀಮುರಿಗೆ ಬಾಲಸಿದ್ದನು ಹಸಿವನ್ನು ಜಯಸು ಬಗ್ಗೆ ಹೇಳಿದ ಕಥೆ 13) ನಳದುರ್ಗದಲ್ಲಿ ನಂದಿಯೇ ಕಂದರೂಪದಿಂದ ಬಂದನೆಂದು ಸಿದ್ಧನನ್ನು ಭಕ್ತಿಯಿಂದ ಪೂಜಿಸಿ ಅನ್ನಸಂತರ್ಪಣೆ ಮಾಡಿದ ಪುರ ಜನರು , 14) ಸಂಚಾರದಲ್ಲಿ ಸೋಮು, ಭೀಮ, ಸಿದ್ಧ ಮೂವರು ಹಲವು ವಿಧದ...
Read more •••>>>>

ಬಾಲಸಿದ್ಧಾರೂಢನು ಓಂಕಾರದ ಅರ್ಥವನ್ನು ಗುರುಗಳಿಗೆ ಹೇಳಿದ ಕಥೆ   

-
Image
 🕉️  ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ್ದು  🕉️ ಲೋಕಾರೂಢಿಯಂತೆ ಗುರುಶಾಂತಪ್ಪನು ಪುತ್ರನನ್ನು ಕುರಿತು "ಸಿದ್ದಾ ನೀನು ಹಠಮಾಡಬೇಡಾ, ನಿನ್ನ ಗೆಳೆಯರೆಲ್ಲರೂ ಶಾಲೆಗೆ ಹೋಗಲಾರಂಭಿಸಿದ್ದಾರೆ. ನೀನೂ ಶಾಲೆಗೆ ಹೋಗಿ  ಅಕ್ಷರಭ್ಯಾಸ ಮಾಡಬೇಕು'' ಅಂತಾ ಕೈಹಿಡಿದುಕೊಂಡು ರಮಿಸುತ್ತ ಶಾಲೆಗೆ ಕರೆತಂದು ಶಾಲಾ ಗುರುಗಳಿಗೆ ಒಪ್ಪಿಸುತ್ತಾ ಅಧ್ಯಾಪಕರೆ, “ಈ ನಮ್ಮ ಕಂದನಿಗೆ ಮೂಲ ಅಕ್ಷರಾಭ್ಯಾಸ ಮಾಡಿಸಿರಿ'' ಅಂತಾ ಹೇಳಲು "ನಾನೆಲ್ಲ ಶಿಕ್ಷಣ ನೀಡುವೆ ನೀನು ಹೋಗಬಹುದು" ಅಂತಾ ಹೇಳಿ ಅಧ್ಯಾಪಕರು ಬಾಲಕನನ್ನು ಕೂಡ್ರಿಸಿಕೊಂಡು ಪಾಟಿಯ ಮೇಲೆ “ಓಂಕಾರ'' ಬರೆದು ಅಭ್ಯಾಸ ಮಾಡು ಅಂತಾ ಹೇಳಿದರು ಆಗ ಸಿದ್ಧನು ನಮಿಸುತ್ತಾ ಗುರುಗಳೆ ಓಂಕಾರದ ಅರ್ಥವನ್ನು ತಿಳಿಸಿರಿ ಅಂತಾ ಕೇಳಿದ್ದಕ್ಕೆ ವಿದ್ಯಾಭ್ಯಾಸ ಪೂರೈಸಿ ವ್ಯಾಕರಣವನ್ನು ತಿಳಿಯಬೇಕು. ಹೀಗಾಗದಿದ್ದರೆ ಓಂಕಾರದ ಅರ್ಥವನ್ನು ನಿನಗೆ ಗ್ರಹಣ ಮಾಡಲು ಸಾಧ್ಯವಿಲ್ಲ ಅಂತಾ ಅಧ್ಯಾಪಕರು ಹೇಳಿದರು. ಆಗ ಸಿದ್ಧಬಾಲಕನು ''ನನ್ನ ಬುದ್ದಿಯು ಶುದ್ದವಾಗಿದೆ. ತಿಳಿಯಲಿಕ್ಕೆ ಸಾಮರ್ಥ್ಯವಿದೆ. ಓಂಕಾರದ ಅರ್ಥ ಹೇಳಿದಲ್ಲಿ ಪಠಣ ಮಾಡುವೆ'' ಅಂತಾ ಹಠಹಿಡಿದಿದ್ದಕ್ಕೆ ಕೋಪಾವಿಷ್ಟರಾಗಿ ಗುರುಗಳು ಸಿದ್ದಾ 'ಅ' ಕಾರ 'ಉ' ಕಾರ ಮತ್ತು 'ಮ' ಕಾರ ಈ ಪ್ರಕಾರ ಬೀಜಗಳಿದ್ದು 'ಅ' ಕಾರದ ಮುಂದೆ 'ಉ' ಕಾರ ...
Read more •••>>>>