ಆರೂಢರ ಒಂದು ಹಲ್ಲಿನ ಮಹಿಮೆ

-
 🌺 ಆರೂಢರ ಒಂದು ಹಲ್ಲಿನ ಮಹಿಮೆ 🌺



ಶ್ರೀ ಸಿದ್ಧಾರೂಢರ ಮಠದ ಹತ್ತಿರದ ಕುಂಬಾರ ಓಣಿಯಲ್ಲಿ ಓರ್ವ ಪ್ರೌಢ ವಯಸ್ಸಿನ ಹೆಣ್ಣುಮಗಳು ವಾಸಿಸುತ್ತಿದ್ದಳು. ನಾಲ್ಕಾರು ಎಮ್ಮೆ ಆಕಳುಗಳನ್ನು ಕಟ್ಟಿಕೊಂಡು ಸಾಕಿ ಅವುಗಳಿಂದ ಬಂದ ಹಾಲು ಮೊಸರು ಮಜ್ಜಿಗೆ ಮಾರಿ ಉಪಜೀವನ ಸಾಗಿಸುತ್ತಿದ್ದಳು. ಆ ತಾಯಿ ಆರೂಢರ ಪರಮ ಭಕ್ತಳಾಗಿದ್ದು, ದಿನಾಲು ಮಠಕ್ಕೆ ಹೋಗಿ ಗುರುಗಳ ದರ್ಶನ ಪಡೆದು ಹಾಲು, ಮೊಸರುಗಳನ್ನು ಸಮರ್ಪಿಸಿ ಬರುತ್ತಿದ್ದಳು. ಒಂದು ದಿನ ಗುರುಗಳ ದರ್ಶನ ಪಡೆದು `ಅಜ್ಜಾ, ನಮ್ಮಲ್ಲಿಯ ದನಗಳ ಕೆಚ್ಚಲಿಗೆ ಬಹಳಷ್ಟು ಉಣ್ಣೆಗಳು ಮೆತ್ತಿಕೊಂಡಿವೆ. ಅವುಗಳ ನಿವಾರಣೆಗೆ ಏನಾದರೊಂದು ಉಪಾಯ ಮಾಡಿರಿ' ಎಂದು ಬೇಡಿಕೊಂಡಳು. ಆಗ ಗುರುಗಳು ತಮ್ಮ ಮುಖದಲ್ಲಿ ಅಲುಗಾಡುತ್ತಿದ್ದ ಒಂದು ಹಲ್ಲನ್ನು ಕಿತ್ತುಕೊಂಡು ಆ ತಾಯಿಯ ಕೈಯ್ಯಲ್ಲಿಟ್ಟು 'ಇಕೊ ಈ ಹಲ್ಲನ್ನು ತೆಗೆದುಕೊಂಡು ಹೋಗಿ ನಿನ್ನ ದೇವರ ಜಗುಲಿಯ ಮೇಲಿಟ್ಟು ಪೂಜಿಸು ಉಣ್ಣೆಗಳು ಹೋಗುತ್ತವೆ' ಎಂದರು.
ಆ ತಾಯಿ ಶ್ರದ್ಧೆಯಿಂದ ಅಜ್ಜನ ಹಲ್ಲನ್ನು ತೆಗೆದುಕೊಂಡು ಹೋಗಿ ದೇವರ ಜಗುಲಿಯ ಮೇಲಿಟ್ಟು ಪೂಜಿಸಿದ ಕೆಲವು ದಿವಸಗಳಲ್ಲಿ ಉಣ್ಣೆಗಳು ಬಿಟ್ಟು ಹೋದವು. ಈ ಸುದ್ದಿಯನ್ನು ಕೇಳಿದ ಓಣಿಯ ರೈತರು ಹೂವು ಹಣ್ಣು ಕಾಯಿಗಳನ್ನು ಕರ್ಪೂರವನ್ನು ತೆಗೆದುಕೊಂಡು ಆ ತಾಯಿಯ ಮನೆಗೆ ಹೋಗಿ ಅಜ್ಜನ ಹಲ್ಲನ್ನು ಪೂಜಿಸಿ, ತೆಂಗಿನಕಾಯಿ ತೆಗೆದುಕೊಂಡು ಹೋಗಿ ತಮ್ಮ ಮನೆಗಳಲ್ಲಿ ಕಟ್ಟಿದಾಗ ಅವರ ಮನೆಗಳ ದನಗಳಿಗೆ ಅಂಟಿದ ಉಣ್ಣೆಗಳು ಬಿಟ್ಟು ಹೋಗುತ್ತಿದ್ದವು. ಈ ವಿಚಾರವನ್ನು ಆ ತಾಯಿ, ಮಠಕ್ಕೆ ಹೋಗಿ ಅಜ್ಜನಿಗೆ ತಿಳಿಸಿದಾಗ ಅಲ್ಲಿ ನೆರೆದ ಭಕ್ತರು ಅಚ್ಚರಿಗೊಂಡು ಜಯಜಯಕಾರ ಮಾಡಿದರು. ಈ ಬಗ್ಗೆ ವಿಚಾರ ಮಾಡಿದರೆ ಸಿದ್ಧನ ಒಂದು ಹಲ್ಲು ಇಷ್ಟು ಪ್ರಭಾವಿಯಾದರೆ ಅವರ ಇಡೀ ಶರೀರ 'ಎಷ್ಟೊಂದ ಪ್ರಭಾವಿಯಾಗಿರಬೇಕು ಎಂಬುದನ್ನು ಊಹಿಸಲೂ ಅಸಾಧ್ಯ.

ಮುಂದಿನ ಕಥೆ ಓದಲು ಕ್ಲಿಕ್ ಮಾಡಿ 👇

ಸಿದ್ಧಾರೂಢ ಭಾಗವತ ಎಲ್ಲ ಕಥೆಗಳ ಸಂಗ್ರಹಕ್ಕೆ 👇

ಮೇಲಿನ  ಲೀಲಾಕಥೆಯನ್ನು ನಿಮ್ಮ ಫ್ರೆಂಡ್ಸ್ ಗೆ what's app, Facebook ಮೂಲಕ share ಮಾಡಲು ಕೆಳಗಡೆ ಒತ್ತಿ 👇👇👇

Facebook ಅಲ್ಲಿ share ಮಾಡಲು ಕೆಳಗಡೆ share ಲಿಂಕ್ ಉಪಯೋಗಿಸಿ 
👇




👇




👇

Popular posts from this blog

ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ್ದು

-
Image
ಒಂದಾನೊಂದು ದಿವಸ ಸಿದ್ಧನು ಬಾಲಕರ ಕೂಡ ಆಡುತ್ತಿರುವಾಗ, ಬಾಲಕರೆಲ್ಲ ಕೂಡಿ ಸಿದ್ದನಿಗೆ ಎಳ್ಳು ಕೇಳುವವರಾದರು. ಆಗ ಸಿದ್ಧನು  ಅವರಿಗೆ ಆಶ್ವಾಸನೆ ಕೊಟ್ಟು ತನ್ನ ಮನೆಗೆ ಕರಕೊಂಡು ಬಂದನು. ಅವರನ್ನು ಕರೆದುಕೊಂಡು ಅಡುಗೆ ಮನೆಯೊಳಗೆ ಹೊಕ್ಕು ನೋಡುತ್ತಿರುವಾಗ, ಎಳ್ಳಿನ ಗಡಿಗೆಯು ಆತನ ಕೈಗೆ ನಿಲುಕಲಾರದಷ್ಟು  ಎತ್ತರವಾದ  ನೆಲುವಿನ ಮೇಲಿತ್ತು. ಆಗ ಸಿದ್ಧನು  ಒಂದು ಬಡಿಗೆ ತಂದು ಅದರಿಂದ ಆ ಗಡಿಗೆಯ  ಬುಡಕ್ಕೆ ಚುಚ್ಚಿ ತೂತು ಮಾಡಿದನು. ಆಗ ಎಳ್ಳು ಧಾರಾಕಾರವಾಗಿ ಸುರಿಯುತ್ತಿರುವುದನ್ನು ನೋಡಿ, ಹುಡುಗರೆಲ್ಲಾ ತಮತಮಗೆ ಬೇಕಾದಷ್ಟು ಎಳ್ಳನ್ನು ಕಟ್ಟಿಕೊಂಡು ಹೋದರು. ಅವರನ್ನು ಕಂಡು ಇತರ ಅನೇಕರೂ ಬಂದು ನೋಡಲು, ಸಣ್ಣದಾದ  ಎಳ್ಳಿನ ಗಡಿಗೆಯ ಕೆಳಗೆ  ದೊಡ್ಡ ಎಳ್ಳಿನ ರಾಶಿಯಿದ್ದು ನೋಡಿ  ಎಷ್ಟೋ ಮಂದಿ ಅದರೊಳಗಿಂದ ಎಳ್ಳನ್ನು ಕಟ್ಟಿಕೊಂಡು ಹೋಗುತ್ತಿದ್ದರು. ಇದನ್ನು ಕಂಡು ಬಹು ಆಶ್ಚರ್ಯಭರಿತರಾಗಿ ಇದು ಬಾಲರೂಪದಿಂದ ಕಾಣಿಸಿಕೊಳ್ಳುವ ಸಾಕ್ಷಾತ್ ಅವತಾರಿಕನಾದ ಸಿದ್ಧನ ಮಹಿಮೆಯಂದು ಆತನನ್ನು ಕೊಂಡಾಡಿದರು. ಸಾವಿರಾರು ಗಡಿಗೆಯೊಳಗೆ ಹಿಡಿಸಲಾರದಷ್ಟು ಈ ಎಳ್ಳಿನ ರಾಶಿ ಒಂದು ಚಿಕ್ಕ ಗಡಿಗೆಯೊಳಗಿಂದ ಹೇಗೆ  ಬಂತು ? ಎಂದು ಸಿದ್ಧನ ಖ್ಯಾತಿಯನ್ನು ಜನರು ಎಲ್ಲಾ ಕಡೆಯಲ್ಲಿ ವರ್ಣಿಸುತ್ತಿದ್ದರು. ಅಷ್ಟರಲ್ಲಿ ಸಿದ್ಧನ ತಾಯಿ ದೇವಮಲ್ಲಮ್ಮನು ಮನೆಯೊಳಗೆ ಬಂದು ನೋಡಲಾಗಿ, ಪುತ್ರನ ಲೀಲಾ ಕಂಡು ಆಶ್ಚರ್ಯಚಕಿತಳ...
Read more •••>>>>

ಸಿದ್ಧಾರೂಢ ಭಾಗವತ ಲೀಲಾಕಥೆಗಳ

-
Image
  ಎಲ್ಲ ಕಥೆಗಳನ್ನು ಓದಲು click ಮಾಡಿ  ಪ್ರಥಮ ಸ್ಕಂದಕಥೆಗಳು   1) 👉 ಕೈಲಾಸದಲ್ಲಿ ಪಾರ್ವತಿ ಪರಮೇಶ್ವರ ಮುಂದೆ ಭೂಲೋಕ ಸಮಾಚಾರ ಪ್ರಸ್ತಾಪ 2)👉 ಸದಾಶಿವನು ಸಿದ್ದ ನಾಮದಿಂದ ಭೂಮಿಯಲ್ಲಿ  ಅವತರಿಸಿದ ಕಥೆ 3) ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ ಕಥೆ 4) ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ ಕಥೆ   5) ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ ಕಥೆ 6) ದೇವದತ್ತನನ್ನು ಕೆರೆಯಲ್ಲಿ ಮುಳಗಿಸಿ ಬ್ರಹ್ಮಾನಂದದಲ್ಲಿ ಇರುವಂತೆ ಮಾಡಿದ ಬಾಲಸಿದ್ಧನ ಕಥೆ , 7) ವನಭೋಜನಕ್ಕೆ ಹೋದಾಗ ನೀರಲಹಣ್ಣಿನ ರಾಶಿ ಮಾಡಿದು ಹಾಗೆ ಸತ್ತ ಹಾವು ಬದುಕಿಸಿದ ಲೀಲೆಗಳು 8) ಗುರು ಶೋಧನೆಗಾಗಿ ಬಾಲ ಸಿದ್ಧ ಮಾಡಿದ ಜಾಣಯುಕ್ತಿ ಕಥೆ 9) ಶಿವನು ಜಂಗಮವೇಷದಲ್ಲಿ ಬಂದು ಬಾಲಸಿದ್ಧನನ್ನು ಬದುಕಿಸಿ ಬ್ರಹ್ಮಚರ್ಯ ದೀಕ್ಷೆ ಕೊಟ್ಟ ಕಥೆ 10) ಗುರುಶೋಧನೆಗಾಗಿ ತಂದೆತಾಯಿ ಪುರಜನರು ಹರುಷದಿಂದ ಕಳಿಸಿಕೊಟ್ಟ ಕಥೆ 11) ಸೋಮ ಭೀಮರಿಗೆ ಗುರುಶೋದನೆ ಬಗ್ಗೆ ಹೇಳಿ ಅವರನ್ನು ತನ್ನ ಸಂಗಡ ಕರೆದುಕೊಂಡು ಹೋದ ಕಥೆ 12) ಹಸಿವುನಿಂದ ಕಂಗೆಟ್ಟ ಸೋಮು ಭೀಮುರಿಗೆ ಬಾಲಸಿದ್ದನು ಹಸಿವನ್ನು ಜಯಸು ಬಗ್ಗೆ ಹೇಳಿದ ಕಥೆ 13) ನಳದುರ್ಗದಲ್ಲಿ ನಂದಿಯೇ ಕಂದರೂಪದಿಂದ ಬಂದನೆಂದು ಸಿದ್ಧನನ್ನು ಭಕ್ತಿಯಿಂದ ಪೂಜಿಸಿ ಅನ್ನಸಂತರ್ಪಣೆ ಮಾಡಿದ ಪುರ ಜನರು , 14) ಸಂಚಾರದಲ್ಲಿ ಸೋಮು, ಭೀಮ, ಸಿದ್ಧ ಮೂವರು ಹಲವು ವಿಧದ...
Read more •••>>>>

ಬಾಲಸಿದ್ಧಾರೂಢನು ಓಂಕಾರದ ಅರ್ಥವನ್ನು ಗುರುಗಳಿಗೆ ಹೇಳಿದ ಕಥೆ   

-
Image
 🕉️  ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ್ದು  🕉️ ಲೋಕಾರೂಢಿಯಂತೆ ಗುರುಶಾಂತಪ್ಪನು ಪುತ್ರನನ್ನು ಕುರಿತು "ಸಿದ್ದಾ ನೀನು ಹಠಮಾಡಬೇಡಾ, ನಿನ್ನ ಗೆಳೆಯರೆಲ್ಲರೂ ಶಾಲೆಗೆ ಹೋಗಲಾರಂಭಿಸಿದ್ದಾರೆ. ನೀನೂ ಶಾಲೆಗೆ ಹೋಗಿ  ಅಕ್ಷರಭ್ಯಾಸ ಮಾಡಬೇಕು'' ಅಂತಾ ಕೈಹಿಡಿದುಕೊಂಡು ರಮಿಸುತ್ತ ಶಾಲೆಗೆ ಕರೆತಂದು ಶಾಲಾ ಗುರುಗಳಿಗೆ ಒಪ್ಪಿಸುತ್ತಾ ಅಧ್ಯಾಪಕರೆ, “ಈ ನಮ್ಮ ಕಂದನಿಗೆ ಮೂಲ ಅಕ್ಷರಾಭ್ಯಾಸ ಮಾಡಿಸಿರಿ'' ಅಂತಾ ಹೇಳಲು "ನಾನೆಲ್ಲ ಶಿಕ್ಷಣ ನೀಡುವೆ ನೀನು ಹೋಗಬಹುದು" ಅಂತಾ ಹೇಳಿ ಅಧ್ಯಾಪಕರು ಬಾಲಕನನ್ನು ಕೂಡ್ರಿಸಿಕೊಂಡು ಪಾಟಿಯ ಮೇಲೆ “ಓಂಕಾರ'' ಬರೆದು ಅಭ್ಯಾಸ ಮಾಡು ಅಂತಾ ಹೇಳಿದರು ಆಗ ಸಿದ್ಧನು ನಮಿಸುತ್ತಾ ಗುರುಗಳೆ ಓಂಕಾರದ ಅರ್ಥವನ್ನು ತಿಳಿಸಿರಿ ಅಂತಾ ಕೇಳಿದ್ದಕ್ಕೆ ವಿದ್ಯಾಭ್ಯಾಸ ಪೂರೈಸಿ ವ್ಯಾಕರಣವನ್ನು ತಿಳಿಯಬೇಕು. ಹೀಗಾಗದಿದ್ದರೆ ಓಂಕಾರದ ಅರ್ಥವನ್ನು ನಿನಗೆ ಗ್ರಹಣ ಮಾಡಲು ಸಾಧ್ಯವಿಲ್ಲ ಅಂತಾ ಅಧ್ಯಾಪಕರು ಹೇಳಿದರು. ಆಗ ಸಿದ್ಧಬಾಲಕನು ''ನನ್ನ ಬುದ್ದಿಯು ಶುದ್ದವಾಗಿದೆ. ತಿಳಿಯಲಿಕ್ಕೆ ಸಾಮರ್ಥ್ಯವಿದೆ. ಓಂಕಾರದ ಅರ್ಥ ಹೇಳಿದಲ್ಲಿ ಪಠಣ ಮಾಡುವೆ'' ಅಂತಾ ಹಠಹಿಡಿದಿದ್ದಕ್ಕೆ ಕೋಪಾವಿಷ್ಟರಾಗಿ ಗುರುಗಳು ಸಿದ್ದಾ 'ಅ' ಕಾರ 'ಉ' ಕಾರ ಮತ್ತು 'ಮ' ಕಾರ ಈ ಪ್ರಕಾರ ಬೀಜಗಳಿದ್ದು 'ಅ' ಕಾರದ ಮುಂದೆ 'ಉ' ಕಾರ ...
Read more •••>>>>