ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ ಕಥೆ

-

 🐃 ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ್ದು 🍀






ಒಂದಾನೊಂದು ದಿನ ಹುಡುಗರ  ಕೂಡ ಆಡುತ್ತಿರುವಾಗ ಸಿದ್ದ ಬಾಲಕನು ಒಂದು ಎಮ್ಮೆಯನ್ನು ಕಂಡು, ಅದರ

ಬೆನ್ನಮೇಲೆ ಹತ್ತಿ ಕೂತುಕೊಂಡು, ಮತ್ತು ಹುಡುಗರಿಗೆ ಕೂಗಿ -"ನೋಡಿರಿ ನಾನು ಆನೆಯ ಮೇಲೆ ಕೂತಿರುವೆನು ; ನೀವೆಲ್ಲಾ ವಾದ್ಯಗಳನ್ನೂ ಬಾರಿಸುತ್ತ ಗ್ರಾಮದೊಳಗೆ ಉತ್ಸವವನ್ನು ಮೆರೆಸಿರಿ. ಇದನ್ನು ಕೇಳಿ ಬಾಲಕರೆಲ್ಲಾ ಆನಂದದಿಂದ ನಾನಾ  ವಾದ್ಯ ಧ್ವನಿಗಳನ್ನು ಮಾಡುತ್ತ, ನಗುತ್ತ,  ಹಾರಾಡುತ್ತ ಮುಂದಕ್ಕೆ ಸಾಗಿದರು. ಆದರೆ ಎಮ್ಮೆಯು  ಮುಂದಕ್ಕೆ ಹೆಜ್ಜೆ ಇಡಲೊಲ್ಲದು. ಸಿದ್ಧನೂ, ಹುಡುಗರೂ  ಎಷ್ಟು ಪ್ರಯತ್ನ ಮಾಡಿದರೂ, ಅದೂ  ಚಲಿಸಲಿಲ್ಲ. ಆಗ ಸಿದ್ಧನು ಸಿಟ್ಟಿಗೆದ್ದು -" ಎಮ್ಮೆಯೇ ನೀನು ಮೃತನಾಗು " ಎಂದು ಅಂದಕೂಡಲೇ ಅದು ನಿರ್ಜೀವವಾಗಿ ಭೂಮಿಗೆ ಬಿತ್ತು. ಇದನ್ನು ನೋಡಿ ಹುಡುಗರು ಓಡಿಹೋಗಿ ಸಿದ್ದನ ತಾಯಿಗೆ ಈ ವರ್ತಮಾನವನ್ನು ತಿಳಿಸಿ "ಸಿದ್ಧನು ಶಪಿಸಿದ ಕೂಡಲೇ ನಿಮ್ಮ  ಎಮ್ಮೆಯು  ಭೂಮಿಗೆ ಬಿದ್ದು ಸತ್ತುಹೋಯಿತು.” ಎಂದು ಆಕೆಗೆ ಹೇಳಿದರು. ಇದನ್ನು ಕೇಳಿ ದೇವಮಲ್ಲಮ್ಮನು ಮನಸ್ಸಿನಲ್ಲಿ ಬಹಳ ಗಾಬರಿಯಾಗಿ ಸಿದ್ದನ ಕಡೆಗೆ ಓಡಿಬಂದು, ಸತ್ತು ಬಿದ್ದ ಎಮ್ಮೆಯನ್ನು ಕಂಡು, ಪುತ್ರನನ್ನು ಕುರಿತು ಅನ್ನುತ್ತಾಳೆ -"ಇದೇನು ಮಾಡಿದಿ. ಎಮ್ಮೆಯನ್ನು ಯಾತಕ್ಕೆ ಕೊಂದಿ. ಶಿವ ಶಿವಾ ನಾನು ಇನ್ನೇನು ಮಾಡಲಿ ".ಎಂದು ದೊಡದ್ವನಿದಿಂದ ಅಳುವುದನ್ನು ಕೇಳಿ ಸಿದ್ದನಿಗೆ ಕರುಣೆ ಹುಟ್ಟಿ, "ತಾಯಿಯೇ, ನಿನಗೆ ಎಮ್ಮೆ ಬೇಕಾಗಿದ್ದರೆ ಇಷ್ಟು ದುಃಖ ಯಾತಕ್ಕೆ ಮಾಡಬೇಕು ? ಎಂದು ನುಡಿದು, ಸಿದ್ಧನು "ಓಂ ನಮಃ ಶಿವಾಯ" ಎಂಬ ಮಂತ್ರವನ್ನು ಉಚ್ಚರಿಸಿ, ಎಮ್ಮೆಯನ್ನು ಸ್ಪರ್ಶಿಸಿದನು. ತತ್ಕಾಲವೇ ಆ ಎಮ್ಮೆಯು ಸೆಟೆದ  ಕೈಕಾಲುಗಳನ್ನು ಎಳೆದುಕೊಂಡು ಸಜೀವವಾಗಿ ಎದ್ದು ನಿಂತಿತು. ಇದನ್ನು ನೋಡಿ ಸೂತ್ತುಮುತ್ತಲಿನ ಜನರು, “ಇದು ಮಹಾ ಅಘಟಿತವಾದ ಕಾರ್ಯ,'' ಎಂದು ನುಡಿಯುತ್ತ ಆಶ್ಚರ್ಯಚಕಿತರಾದರು ಮತ್ತು ಕೆಲವರು, "ಈತನು ನಮ್ಮ ಉದ್ಧಾರದೆಶೆಯಿಂದ ಬಂದಿರುವ ಈಶ್ವರನೋ, ವಿಷ್ಣುವೋ ಅಥವಾ ಯಾವನಾದರೂ ಋತೀಶ್ವರನೋ, ತಿಳಿಯಲಾರೆವು'' ಎಂದು ಅನ್ನುತ್ತಿರುವಾಗ ಅವರನ್ನು ಕುರಿತು ಸಿದ್ಧನು ಅಂದದ್ದು


“ಎಲೈಪುಣ್ಯಾತ್ಮರುಗಳಿರಾ, ಕೇಳಿರಿ, ಇತರರ ವಚನವನ್ನು ಕೇಳದೆ ತಮೋಗುಣದಿಂದ ತಟಸ್ಥವಾಗಿರುವಂಥಾ ಅಹಂಬುದ್ದಿಯೇ ಈ ಎಮ್ಮೆಯು. ಅಂಥಾ  ಅಹಂಬುದ್ಧಿಯ ತಮಸ್ಸನ್ನು ನಾಶಮಾಡುವ ಉದ್ದಿಶ್ಯವಾಗಿ ಆತ್ಮನು ಅದರ ಮೇಲೆ ಆರೋಹಣ ಮಾಡಿದರೂ, ಅದು ಸರ್ವಥಾ ಚಲಿಸಲಿಲ್ಲ. ಇದನ್ನು ಕಂಡು ಆತ್ಮನು ಸಂಕಲ್ಪ ಮಾಡಿದ ಕೂಡಲೇ ಅಹಂತೆಯು ಲಯಾವಸ್ಥೆಯನ್ನು ಹೊಂದಿತು. ಕೂಡಲೆ, ಈ ಅಹಂತೆಯನ್ನು ಬಹುಕಾಲ ಪಾಲನೆ ಮಾಡಿದ ಮೂಲಮಾಯಯು ಓಡಿಬಂದು, ಅಹಂತತೆಯನ್ನು ಬದುಕಿಸಬೇಕೆಂದು ಆತ್ಮನಿಗೆ ಪ್ರಾರ್ಥಿಸಿದಳು. ಈ ಪ್ರಾರ್ಥನೆಯನ್ನು ಕೇಳಿ ಆತ್ಮನು ಅಹಂತೆಯನ್ನು ಸಜೀವ ಮಾಡಿದನು. ಈಗ ಆ ಅಹಂತತೆಯು ಆತ್ಮನ  ಭಕ್ತಿಯಿಂದಯುಕ್ತವಾಗಿ ಶಾಂತರೂಪದಿಂದ ಜಗತ್ತಿನಲ್ಲಿ ವರ್ತಿಸುವುದು."ಈ ಸವಿಚಾರ ಭಾಷಣವನ್ನು ಕೇಳಿ ಸರ್ವರೂ  ಅನ್ನುತ್ತಾರೆ. - "ಆಹಾ, ಎಂಥಾ ಗಹನವಾದ ವಿಚಾರ! ನಮಗಿಂತ ಈತನು ಎಷ್ಟೋ  ಚಿಕ್ಕವನಂತೆ ಕಾಣಿಸುತ್ತಿದ್ದರೂ, ಈತನ ಜ್ಞಾನವು ಆತರ್ಕ್ಯವಾದದ್ದು.” ಸಿದ್ಧಬಾಲಕನು ಸುಂದರವಾಗಿಯೂ ಮನೋಹರವಾಗಿಯೂ ಶೋಭಿಸುತ್ತಿರುವ ಮೂರ್ತಿಯನ್ನು ಕಂಡು, ಸರ್ವರು ''ಈತನ ಮಾತೆಯು  ಧನ್ಯಳು, ಧನ್ಯಳು. ನಾವಾದರೂ ಈತನ ಸಂಗದಿಂದ ಧನ್ಯರು. ಈತನ ಪ್ರತ್ಯಕ್ಷ ತ್ರಿಮೂರ್ತಿಸ್ವರೂಪನಿರುವನು,” ಎಂದು ಅನ್ನುತ್ತಾ ಹೊರಟು ಹೋಗುವಂಥವರಾದರು.


ಪ್ರಾಪ್ತವಾಗುವುದು

👇👇👇👇👇👇👇👇👇👇👇👇👇👇

ಸದ್ಗುರು ಸಿದ್ಧಾರೂಢ ಭಾಗವತ app ಹಾಕಿಕೊಳ್ಳಿ, ಈ app ಅಲ್ಲಿ ಎಲ್ಲ 320  ಕಥೆಗಳಿವೆ ನೀವು ಇದನ್ನ book ತರ ಓದಬಹುದು ಯಾವುದೇ ads ಇಲ್ಲಾ ಹಾಗೆ Internet ಇಲ್ಲದೆ ಓದಬಹುದು ಇದು ಅಜ್ಜನ ಒಂದು ಭಕ್ತಿ ಸೇವೆ ಅಷ್ಟೇ ದಯವಿಟ್ಟು app ಹಾಕಿಕೊಂಡು ಕಥೆ ಅಲ್ಲೇ ಓದಿ, ಬೇರೆಯರಿಗೂ share ಮಾಡಿ, ಅವರಿಗೂ help ಮಾಡಿ ಅಜ್ಜನ ಕೃಪೆಗೆ ಪಾತ್ರರಾಗಿರಿ

ಈ link ಒತ್ತಿ 👉 📖 👈 ಒತ್ತಿ


ಮುಂದಿನ ಕಥೆ ಓದಲು ಕೆಳಗಡೆ ಲಿಂಕ ಒತ್ತಿ

👉ದೇವದತ್ತನನ್ನು ಕೆರೆಯಲ್ಲಿ ಮುಳಗಿಸಿ ಬ್ರಹ್ಮಾನಂದದಲ್ಲಿ ಇರುವಂತೆ ಮಾಡಿದ ಬಾಲ ಸಿದ್ಧ ,

ಎಲ್ಲಾ  ಕಥೆಗಳ ಲಿಂಕಗಳು 

👉ಸಿದ್ಧಾರೂಢ ಭಾಗವತ ಕಥಾ ಸಂಗ್ರಹ 👉🛃

ಸಿದ್ಧಾರೂಢ ಲೀಲಾಕಥೆಗಳನ್ನು ನಿಮ್ಮ ಫ್ರೆಂಡ್ಸ್ ಗೆ what's app, Facebook ಮೂಲಕ share ಮಾಡಲು ಕೆಳಗಡೆ ಒತ್ತಿ 

1)WhatsApp shareಗಾಗಿ click ಮಾಡಿ📲☎️

2)Facebook shareಗಾಗಿ👉  

3



«««««ಓಂ ನಮಃ ಶಿವಾಯ »»»»»»»


Popular posts from this blog

ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ್ದು

-
Image
ಒಂದಾನೊಂದು ದಿವಸ ಸಿದ್ಧನು ಬಾಲಕರ ಕೂಡ ಆಡುತ್ತಿರುವಾಗ, ಬಾಲಕರೆಲ್ಲ ಕೂಡಿ ಸಿದ್ದನಿಗೆ ಎಳ್ಳು ಕೇಳುವವರಾದರು. ಆಗ ಸಿದ್ಧನು  ಅವರಿಗೆ ಆಶ್ವಾಸನೆ ಕೊಟ್ಟು ತನ್ನ ಮನೆಗೆ ಕರಕೊಂಡು ಬಂದನು. ಅವರನ್ನು ಕರೆದುಕೊಂಡು ಅಡುಗೆ ಮನೆಯೊಳಗೆ ಹೊಕ್ಕು ನೋಡುತ್ತಿರುವಾಗ, ಎಳ್ಳಿನ ಗಡಿಗೆಯು ಆತನ ಕೈಗೆ ನಿಲುಕಲಾರದಷ್ಟು  ಎತ್ತರವಾದ  ನೆಲುವಿನ ಮೇಲಿತ್ತು. ಆಗ ಸಿದ್ಧನು  ಒಂದು ಬಡಿಗೆ ತಂದು ಅದರಿಂದ ಆ ಗಡಿಗೆಯ  ಬುಡಕ್ಕೆ ಚುಚ್ಚಿ ತೂತು ಮಾಡಿದನು. ಆಗ ಎಳ್ಳು ಧಾರಾಕಾರವಾಗಿ ಸುರಿಯುತ್ತಿರುವುದನ್ನು ನೋಡಿ, ಹುಡುಗರೆಲ್ಲಾ ತಮತಮಗೆ ಬೇಕಾದಷ್ಟು ಎಳ್ಳನ್ನು ಕಟ್ಟಿಕೊಂಡು ಹೋದರು. ಅವರನ್ನು ಕಂಡು ಇತರ ಅನೇಕರೂ ಬಂದು ನೋಡಲು, ಸಣ್ಣದಾದ  ಎಳ್ಳಿನ ಗಡಿಗೆಯ ಕೆಳಗೆ  ದೊಡ್ಡ ಎಳ್ಳಿನ ರಾಶಿಯಿದ್ದು ನೋಡಿ  ಎಷ್ಟೋ ಮಂದಿ ಅದರೊಳಗಿಂದ ಎಳ್ಳನ್ನು ಕಟ್ಟಿಕೊಂಡು ಹೋಗುತ್ತಿದ್ದರು. ಇದನ್ನು ಕಂಡು ಬಹು ಆಶ್ಚರ್ಯಭರಿತರಾಗಿ ಇದು ಬಾಲರೂಪದಿಂದ ಕಾಣಿಸಿಕೊಳ್ಳುವ ಸಾಕ್ಷಾತ್ ಅವತಾರಿಕನಾದ ಸಿದ್ಧನ ಮಹಿಮೆಯಂದು ಆತನನ್ನು ಕೊಂಡಾಡಿದರು. ಸಾವಿರಾರು ಗಡಿಗೆಯೊಳಗೆ ಹಿಡಿಸಲಾರದಷ್ಟು ಈ ಎಳ್ಳಿನ ರಾಶಿ ಒಂದು ಚಿಕ್ಕ ಗಡಿಗೆಯೊಳಗಿಂದ ಹೇಗೆ  ಬಂತು ? ಎಂದು ಸಿದ್ಧನ ಖ್ಯಾತಿಯನ್ನು ಜನರು ಎಲ್ಲಾ ಕಡೆಯಲ್ಲಿ ವರ್ಣಿಸುತ್ತಿದ್ದರು. ಅಷ್ಟರಲ್ಲಿ ಸಿದ್ಧನ ತಾಯಿ ದೇವಮಲ್ಲಮ್ಮನು ಮನೆಯೊಳಗೆ ಬಂದು ನೋಡಲಾಗಿ, ಪುತ್ರನ ಲೀಲಾ ಕಂಡು ಆಶ್ಚರ್ಯಚಕಿತಳ...
Read more •••>>>>

ಸಿದ್ಧಾರೂಢ ಭಾಗವತ ಲೀಲಾಕಥೆಗಳ

-
Image
  ಎಲ್ಲ ಕಥೆಗಳನ್ನು ಓದಲು click ಮಾಡಿ  ಪ್ರಥಮ ಸ್ಕಂದಕಥೆಗಳು   1) 👉 ಕೈಲಾಸದಲ್ಲಿ ಪಾರ್ವತಿ ಪರಮೇಶ್ವರ ಮುಂದೆ ಭೂಲೋಕ ಸಮಾಚಾರ ಪ್ರಸ್ತಾಪ 2)👉 ಸದಾಶಿವನು ಸಿದ್ದ ನಾಮದಿಂದ ಭೂಮಿಯಲ್ಲಿ  ಅವತರಿಸಿದ ಕಥೆ 3) ಮಕರ ಸಂಕ್ರಾಂತಿ ದಿನ ಸಿದ್ಧನು ಎಳ್ಳಿನರಾಶಿ ಮಾಡಿ ಮಹಿಮೆ ತೋರಿದ ಕಥೆ 4) ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ ಕಥೆ   5) ಬಾಲಸಿದ್ಧನು ಎಮ್ಮೆನು ಕೊಂದು ಬಳಿಕ, ಜೀವಂತ ಮಾಡಿದ ಕಥೆ 6) ದೇವದತ್ತನನ್ನು ಕೆರೆಯಲ್ಲಿ ಮುಳಗಿಸಿ ಬ್ರಹ್ಮಾನಂದದಲ್ಲಿ ಇರುವಂತೆ ಮಾಡಿದ ಬಾಲಸಿದ್ಧನ ಕಥೆ , 7) ವನಭೋಜನಕ್ಕೆ ಹೋದಾಗ ನೀರಲಹಣ್ಣಿನ ರಾಶಿ ಮಾಡಿದು ಹಾಗೆ ಸತ್ತ ಹಾವು ಬದುಕಿಸಿದ ಲೀಲೆಗಳು 8) ಗುರು ಶೋಧನೆಗಾಗಿ ಬಾಲ ಸಿದ್ಧ ಮಾಡಿದ ಜಾಣಯುಕ್ತಿ ಕಥೆ 9) ಶಿವನು ಜಂಗಮವೇಷದಲ್ಲಿ ಬಂದು ಬಾಲಸಿದ್ಧನನ್ನು ಬದುಕಿಸಿ ಬ್ರಹ್ಮಚರ್ಯ ದೀಕ್ಷೆ ಕೊಟ್ಟ ಕಥೆ 10) ಗುರುಶೋಧನೆಗಾಗಿ ತಂದೆತಾಯಿ ಪುರಜನರು ಹರುಷದಿಂದ ಕಳಿಸಿಕೊಟ್ಟ ಕಥೆ 11) ಸೋಮ ಭೀಮರಿಗೆ ಗುರುಶೋದನೆ ಬಗ್ಗೆ ಹೇಳಿ ಅವರನ್ನು ತನ್ನ ಸಂಗಡ ಕರೆದುಕೊಂಡು ಹೋದ ಕಥೆ 12) ಹಸಿವುನಿಂದ ಕಂಗೆಟ್ಟ ಸೋಮು ಭೀಮುರಿಗೆ ಬಾಲಸಿದ್ದನು ಹಸಿವನ್ನು ಜಯಸು ಬಗ್ಗೆ ಹೇಳಿದ ಕಥೆ 13) ನಳದುರ್ಗದಲ್ಲಿ ನಂದಿಯೇ ಕಂದರೂಪದಿಂದ ಬಂದನೆಂದು ಸಿದ್ಧನನ್ನು ಭಕ್ತಿಯಿಂದ ಪೂಜಿಸಿ ಅನ್ನಸಂತರ್ಪಣೆ ಮಾಡಿದ ಪುರ ಜನರು , 14) ಸಂಚಾರದಲ್ಲಿ ಸೋಮು, ಭೀಮ, ಸಿದ್ಧ ಮೂವರು ಹಲವು ವಿಧದ...
Read more •••>>>>

ಬಾಲಸಿದ್ಧಾರೂಢನು ಓಂಕಾರದ ಅರ್ಥವನ್ನು ಗುರುಗಳಿಗೆ ಹೇಳಿದ ಕಥೆ   

-
Image
 🕉️  ಸಿದ್ದನು ಓಂಕಾರದ ಅರ್ಥವನ್ನು ಗುರುಗಳಿಗೆ ವಿವರಿಸಿದ್ದು  🕉️ ಲೋಕಾರೂಢಿಯಂತೆ ಗುರುಶಾಂತಪ್ಪನು ಪುತ್ರನನ್ನು ಕುರಿತು "ಸಿದ್ದಾ ನೀನು ಹಠಮಾಡಬೇಡಾ, ನಿನ್ನ ಗೆಳೆಯರೆಲ್ಲರೂ ಶಾಲೆಗೆ ಹೋಗಲಾರಂಭಿಸಿದ್ದಾರೆ. ನೀನೂ ಶಾಲೆಗೆ ಹೋಗಿ  ಅಕ್ಷರಭ್ಯಾಸ ಮಾಡಬೇಕು'' ಅಂತಾ ಕೈಹಿಡಿದುಕೊಂಡು ರಮಿಸುತ್ತ ಶಾಲೆಗೆ ಕರೆತಂದು ಶಾಲಾ ಗುರುಗಳಿಗೆ ಒಪ್ಪಿಸುತ್ತಾ ಅಧ್ಯಾಪಕರೆ, “ಈ ನಮ್ಮ ಕಂದನಿಗೆ ಮೂಲ ಅಕ್ಷರಾಭ್ಯಾಸ ಮಾಡಿಸಿರಿ'' ಅಂತಾ ಹೇಳಲು "ನಾನೆಲ್ಲ ಶಿಕ್ಷಣ ನೀಡುವೆ ನೀನು ಹೋಗಬಹುದು" ಅಂತಾ ಹೇಳಿ ಅಧ್ಯಾಪಕರು ಬಾಲಕನನ್ನು ಕೂಡ್ರಿಸಿಕೊಂಡು ಪಾಟಿಯ ಮೇಲೆ “ಓಂಕಾರ'' ಬರೆದು ಅಭ್ಯಾಸ ಮಾಡು ಅಂತಾ ಹೇಳಿದರು ಆಗ ಸಿದ್ಧನು ನಮಿಸುತ್ತಾ ಗುರುಗಳೆ ಓಂಕಾರದ ಅರ್ಥವನ್ನು ತಿಳಿಸಿರಿ ಅಂತಾ ಕೇಳಿದ್ದಕ್ಕೆ ವಿದ್ಯಾಭ್ಯಾಸ ಪೂರೈಸಿ ವ್ಯಾಕರಣವನ್ನು ತಿಳಿಯಬೇಕು. ಹೀಗಾಗದಿದ್ದರೆ ಓಂಕಾರದ ಅರ್ಥವನ್ನು ನಿನಗೆ ಗ್ರಹಣ ಮಾಡಲು ಸಾಧ್ಯವಿಲ್ಲ ಅಂತಾ ಅಧ್ಯಾಪಕರು ಹೇಳಿದರು. ಆಗ ಸಿದ್ಧಬಾಲಕನು ''ನನ್ನ ಬುದ್ದಿಯು ಶುದ್ದವಾಗಿದೆ. ತಿಳಿಯಲಿಕ್ಕೆ ಸಾಮರ್ಥ್ಯವಿದೆ. ಓಂಕಾರದ ಅರ್ಥ ಹೇಳಿದಲ್ಲಿ ಪಠಣ ಮಾಡುವೆ'' ಅಂತಾ ಹಠಹಿಡಿದಿದ್ದಕ್ಕೆ ಕೋಪಾವಿಷ್ಟರಾಗಿ ಗುರುಗಳು ಸಿದ್ದಾ 'ಅ' ಕಾರ 'ಉ' ಕಾರ ಮತ್ತು 'ಮ' ಕಾರ ಈ ಪ್ರಕಾರ ಬೀಜಗಳಿದ್ದು 'ಅ' ಕಾರದ ಮುಂದೆ 'ಉ' ಕಾರ ...
Read more •••>>>>